Главная > Тоҷикистон, Иҷтимоӣ > Волидон раванди дарсомӯзии донишҷӯёнро “онлайн” назорат мекунанд

Волидон раванди дарсомӯзии донишҷӯёнро “онлайн” назорат мекунанд


10 январ 2017, 17:56. Разместил: MG
Донишгоҳи миллии Тоҷикистон тасмим дорад, бо фароҳам кардани шароити лозим назорати волидон тариқи интернет аз раванди дарсомӯзии фарзандонашонро имконпазир намояд.

Муҳаммадюсуф Имомзода, ректори Донишгоҳи миллии Тоҷикистон 10 январ дар нишасти хабарие дар Душанбе гуфт, дар пайи баррасиҳо сари масъалаи назорати виртуалии ҷараёни таълим дар донишгоҳ тасмим гирифтаанд, ки аввали семестри дуюм, яъне шурӯъ аз феврали соли 2017 ба таври пилотӣ дар заминаи як-ду факулта ин иқдомро роҳандозӣ намоянд. “Волидон ё дигар шахсон метавонанд тавассути интернет пурра дарсҳоро назорат кунанд. Волидон мебинанд, ки фарзанди онҳо ҳангоми дарс ба чӣ кор машғуланд ва ё устоди донишгоҳи мо чӣ гуна дарс мегузаранд. Ният дорем, дар солҳои минбаъда тамоми факултаҳоро бо ин низом фаро гирем”,-таъкид намуд ӯ.

Оқои Имомзода афзуд, тамоми талоши худро барои омода сохтани кадрҳои болаёқат анҷом дода, мехоҳанд мутахассисонро дар хориҷи кишвар ҳамчун муаррифгари Тоҷикистон бубинад.

Вернуться назад