Русский  >>  فارسی  >>  Душанбе 16 январ 2017, 22:14

“7 ситора”-таъсиси телевизиони нав дар Тоҷикистон

11 январ 2017, 18:17

Дар шаҳри Хуҷанди вилояти Суғд шабакаи телевизиони наве бо номи “7 ситора” таъсис ёфт, ки пахши намоишҳои озмоишии худро оғоз кардааст. Дар ин бора ба “Озодагон” сухангӯйи раиси шаҳри Хуҷанд Маҳмудҷон Додобоев хабар дод.

Салимҷон Камолов, яке аз муассисони ин шабакаи нави телевизионӣ дар суҳбат ба “Озодагон” хабари оғози намоишҳои озмоишии “7 ситора”-ро таъйид намуда, афзуд тибқи иҷозатномае, ки аз Кумитаи телевизион ва радиои назди Ҳукумати Тоҷикистон дарёфт кардаем, ҳуқуқ дорем, ки 24 соат барнома ва намоиш дошта бошем.

Ба гуфтаи Камолов нашри намоишҳои озмоишии онҳо як моҳ идома мекунад ва онҳо ният доранд аз Наврӯз ба нашри намоишҳои аслӣ шуруъ кунанд:
“Шабакаи мо як шабакаи махсуси соҳавӣ нест, мо ният дорем, ки ҳам барномаҳои хабарӣ ва ҳам барномаҳои таҳлиливу фароғатӣ ва тафреҳии тамоми соҳаҳоро пешниҳоди бинанда кунем. Қисми асосии кори шабакаи моро барномаҳои итилоотиву тафреҳӣ ташкил медиҳад. Барои намуна мо ният дорем барномаҳо дар мавриди шикор, моҳидориву куҳгардӣ ва дигар соҳаҳо пешниҳод кунем”.

Ба гуфтаи ҳамсуҳбати мо, феълан ин шабака дар Хуҷанд ва шаҳру навоҳи канории он бо забонҳои тоҷикиву русӣ пахш мешавад.

Бар асоси иттилои Маҳмудҷон Додобев ҳоло бо шумули ин телевизиони нав “дар шаҳри Хуҷанд ҳафт телевизиони мустақили фаъолият мекунанд. Дар баробари ин 6 телевизиони давлатии сатҳи ҷумҳурӣ, 2 телевизиони ноқилӣ, телевизиони эфирию ноқилии «АНТ» ва телевизиони шабакавии интернетии «ТТЛ-ТВ» ба сокинон хизмат мерасонад”.

Таъсиси телевизиони 7-уми мустақил ва ё ба истилоҳ ғайридавлатӣ дар шаҳри Хуҷанд дар ҳолест, ки дар шаҳри Душанбе, пойтахти кишвар танҳо як шабакаи телевизионии мустақил – СМТ фаъолият мекунаду халос.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сугдие офарин бар шумо бод.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!