Русский  >>  فارسی  >>  Шанбе 24 июн 2017, 12:05

Талоши сокини Норак барои ба Маскав бурдани тангаҳои таърихӣ

1 июн 2017, 09:58

Вазорати умури дохилии Тоҷикистон як сокини 39-солаи шаҳри Норакро бо иттиҳоми қасди ба Русия бурдани тангаҳои таърихӣ боздошт кардааст.

Бино ба иттилои ин ниҳод, боздошти ӯ дар фурудгоҳи шаҳри Душанбе сурат гирифтааст. Ин мард талош кардааст, тавассути хатсайри “Душанбе-Маскав” 14 танга ва як нишони сарисинагиро интиқол бидиҳад: “Мувофиқи хулосаи мутахассисони соҳаи фарҳанги ҷумҳурӣ тангаҳои мусодирашуда дорои қиммати таърихиву фарҳангӣ-нумизматикӣ ва осорхонавӣ буда, тибқи қонунгузории Ҷумҳурии Тоҷикистон интиқоли ғайрирасмии онҳо аз ҳудуди ҷумҳурӣ берун манъ карда шудааст”.

Манбаъ дар шарҳи чигунагии тангаҳо навиштааст, “як адад тангаи фулузии “5-Марка”, соли бароришаш 1925, як адад тангаи фулузии ҷашнии “Марк”, соли бароришаш 1910, як адад сиккаи фулузии “Вилгелма ва Августо”, соли бароришаш 1961, як адад сиккаи тангаи фулузии “Вилгелм-2”, соли бароришаш 1910, як адад тангаи фулузии “Паул ван Хиноенбург”, соли бароришаш 1935, як адад тангаи фулузии “Франк АОС Император Австрия”, соли бароришаш 1981, як адад сиккаи тангаи фулузии “2-Лево”, соли бароришаш 1882, як адад тангаи фулузии “Один рубл”, соли бароришаш 1924, як адад тангаи фулузии “Николай-2”, соли бароришаш 1897, як адад сиккаи тангаи фулузии “Один полтинник”, соли бароришаш 1925, як адад тангаи фулузии “50-Копеек”, соли бароришаш 1922 ва ду адад тангаҳои рангашон заррин, ки ба заробхонаи шаҳри Ҳисор, асри 17-18 тааллуқ доранд ва як адад нишони сарисинагии “Материнская Слава”.

Вазорат мегӯяд, аз рӯи ин ҳодиса парвандаи ҷиноятӣ оғоз гардида, корҳои тафтишотӣ идома доранд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин ҳамин чор тангая дуздияшро ошкор кардеду ,он котеджҳову джипҳои гаронбаҳоро надидеду намебинеде.
Дар ҳақиқат "Шаҳри афсонавӣ" (Восток дело тонкое ,Петруха)...

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!