Русский  >>  فارسی  >>  Шанбе 24 июн 2017, 12:00

Русия дар Тоҷикистон ёдгории низомӣ мегузорад

19 июн 2017, 11:56

Пойгоҳи ҳарбии 201-ум Русия тасмим гирифтааст, ки дар Тоҷикистон лавҳаи ёдгории се насли сарбозону афсарони Шӯравиро бунёд кунад.

Дар ин бора хабаргузории ТАСС иттилоъ дода, афзудааст, сарбозони қисми ҳарбии 201-уми Русия лавҳаи ёдгории ҷанговарони ҳалокшуда дар Ҷанги Бузурги Ватанӣ, ҷангҳои Афғонистон ва ҷанги шаҳрвандии Тоҷикистонро месозанд: “Феълан таҳияи тарҳи лавҳа ва интихоби ҷой барои гузоштани ёдгорӣ идома дорад”.

Дафтари матбуоти пойгоҳи 201 гуфтааст, то ҳол сарбозон ёдгории афсарони Шӯравӣ, воқеъ дар дараи Қаратоғи Турсунзодаро, ки дар барқарорсозии сохти Шӯравӣ 1922-1926 нақш доштанд, навсозӣ карданд: “Навсозии ёдгорӣ, сохтани панҷараҳо ва кабудизоркунии он бо маблағҳои худи кормандони бахши Хадамоти федеролии амнияти пойгоҳ дар ҳамдастӣ бо ҷониби Тоҷикистон, мақомоти маҳаллӣ, сарбозони интернатсионалист ва гуруҳи “Хотира-201” амалӣ шуд”.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!