Русский  >>  فارسی  >>  Ҷумъа 18 август 2017, 23:10

Давоми ду моҳ Тоҷикистон мавқеашро 14 зина аз даст дод

11 август 2017, 10:10

Тоҷикистон дар раддабандии нави FIFA - Федератсияи байналмилалии футбол, ки 10 август нашр шуд, мавқеашро 2 зина аз даст додааст.

Мунтахаби футболи кишвар, ки моҳи гузашта якбора 12 зина поин рафта дар ҷойи 149 менишаст, дар раддабандии нав бо 180 имтиёз дар мақоми 151 қарор дорад. Миёни кишварҳои Осиёи Марказӣ Тоҷикистон аз ҳама ахир аст. Узбакистон дар ҷойи 64, Қазоқистон 105, Қирғизистон 128 ва Туркманистон дар зинаи 141–уманд.

Ин моҳ мунтахаби Бразилия дар феҳристи ФИФА мақоми аввалро гирифта, Олмон дар ҷойи дувум ва Аргентина дар ҷойи сеюм мебошанд. Швейтсария, Лаҳистон, Португалия, Чилӣ, Колумбия, Белгия ва Фаронса шомили даҳгонаи беҳтарин тимҳои миллии ҷаҳон гардидаанд. Рейтинги FIFA аз соли 1993 ба ин сӯ тартиб дода шуда, имтиёзҳо ба кишварҳо аз рӯи натиҷаҳои дастаи мунтахаби миллии ҳар кишвар дода мешавад. Натиҷаи беҳтарини мунтахаби Тоҷикистон дар феҳристи FIFA ҷойи 106-ум дар моҳи июни соли 2013 ва натиҷаи бадтаринаш ҷойи 180-ум дар соли 2003 мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!