Русский  >>  فارسی  >>  Якшанбе 22 октябр 2017, 18:40

АКС: Аз “Калид” то “Дидор”-и Барзу дар Қазоқистон

10 октябр 2017, 14:58

Шоми 27 сентябр ҳамроҳии дӯстону устодон ва ҳамкасбон баъд аз анҷоми конфронси байналхалқии #MediaCA ба театри “Жас сахна” (“Саҳнаи ҷавон”)-и шаҳри Алмаатои Қазоқистон барои тамошои намоишномаи “Последний экзамен” (Имтиҳони охир) рафтем. Ин намоишномаро ҳунарманди шинохтаи тоҷик БАРЗУ АБДУРАЗЗОҚОВ ба саҳна гузошта буд…

Арзиши чипта 3000 тенге буд ва хазинадори он ба хотири меҳмон буданамон, нархи онро 50% арзонтар кард. Соат ба вақти Алмаато 19:00. Театри “Жас сахна”. Намоишномаи “Последний экзамен”. Забон – русӣ. Қаҳрамононаш 5 нафар – муаллима ва 4 хонандаи ӯ (як духтару се писар), ки синфи 11-умро хатм доранд. Онҳо ба дидорбиниву зодрӯзи муаллима ба хонааш меоянд. Ташрифи онҳо барои муаллима – Роза Галинова ғайричашмдошт буд. Вале суоли матраҳ ин аст, ки ташрифи онҳо аслан барои дидорбиниву муборакбодии муаллима буд ё бо дигар мақсад?

…Хонандаҳо аз Роза Галинова КАЛИДеро мепурсанд. Маҳз ҳамин КАЛИД симои аслии хонандагонро боз мекунад. Чун ҳадафи асосии ташрифи онҳо ба хотири КАЛИД буд... Муаллимаро маҷбур месозанд, то калидро барояшон диҳад ва онҳо ба мактаб рафта, натиҷаи санҷиши худро дигар созанд. Ҳарчанд талош мекунанд, аммо бенатиҷа…

Дар ин баробар муаллима низ талош меварзад, хонандаҳоро аз манзилаш берун кунад, вале наметавонад. Мехоҳад, худаш равад, аммо онҳо намегузоранд. Якравию нотарсии хонандаҳо ва нақшофарии онҳо, матонату истодагарии муаллима, тамошобинро намегузошт, ки аз саҳна ба дигар сӯ рӯй гардонад. Хонандаҳо пас аз чанд амали нопоки худ дарк мекунанд, ки корашон нодруст аст, аммо дер мефаҳманд, чун кор аллакай аз кор гузашта буд.

Муаллима билохира маҷбур мешавад, калидро ба онҳо бидиҳад. Бо вуҷуд хонандаҳо ба мақсади худ намерасанд, балки симои зоҳирии хешро ба куллӣ нишон медиҳанд, ки чӣ гуна тарбия гирифтаанду чӣ гуна ба воя расидаанд.

Хулоса, намоишнома аз печутоби зиндагӣ, тарбия, муносибати муаллиму толибилм, таҳсили хонандагон, гардишҳои ғайриинтизори имрӯзи ҷаҳон нақл мекунад.

Пас аз тамошои ин саҳна, барои офаридани чунин намоишномаҳои ҷолиби диққат муҳим набудааст, ки театр бояд бузург бошад. Муҳим аз ҳама бе тамошобин набудани театр аст, муҳимтар аз ин коргардони касбӣ будани ба саҳнагузорандаи намоишнома аст…

Агар гузоратон ба шаҳри Алмаатои Қазоқистон афтод, ҳатман ба театри “Жас сахна” ташриф оваред ва аз тамошои натанҳо “Последний экзамен”, балки дигар намоишномаҳои ҳунарманди шинохтаи тоҷик Барзу Абдураззоқов бебаҳра нахоҳед монд! Ва ҳатман як ҷаҳон маънӣ хоҳед бардошт!

БОРИ ДИГАР БО ИН ҲУНАРМАНДИ ТОҶИК МЕФАХРАМ!!!
БОРИ ДИГАР БО НАМОИШНОМАҲОИ ОФАРИДАИ Ӯ МЕФАХРАМ!!!
БОРИ ДИГАР ВА БОРИ ДИГАР БРАВО, БАРЗУ!!!

Ҷамшеди МАЪРУФ,
Алмаато, Қазоқистон


АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон

АКС: Аз “Калид” то “Дидор”-и Барзу дар Қазоқистон


Шарҳи худро бинависед:

Ном:*
E-Mail:
Матни шарҳ:
Посух додан
  • Зани точик

  • 10 октябр 2017 22:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Базу аз Точикистон рафт? Афсус. .....

Матолиби ҳамсон:

Бойгонӣ

«    Октябр 2017    »
ДушСешЧорПанҶумШанЯкш
 1
2345678
9101112131415
16171819202122
23242526272829
3031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!