Русский  >>  فارسی  >>  Якшанбе 22 октябр 2017, 18:45

Роҳи мошингарди Душанбе-Қӯрғонтеппа бо 96,38 миллион доллар тармиму бозсозӣ мешавад

12 октябр 2017, 10:56

Вакилони Маҷлиси намояндагон лоиҳаи созишномаи қарзӣ миёни Тоҷикистон ва Фонди ОПЕК оид ба рушди байналмилалӣ вобаста ба лоиҳаи “Беҳтар намудани роҳи автомобилгарди Душанбе- Қӯрғонтеппа”-ро ҷонибдорӣ намуданд.

Худоёр Худоёрзода, вазири нақлиёти Тоҷикистон, рӯзи 11 август зимни муаррифии ин тарҳ дар парлумон гуфт, арзиши умумии лоиҳа 96,38 миллион доллари амрикоиро ташкил медиҳад. Ба гуфтаи ӯ, аз ин маблағ 17 миллону 18 ҳазор доллараш саҳми ҳукумати Тоҷикистон, боқимонда саҳми Бонки Осиёии Рушд, Фонди ОПЕК оид ба рушди байналмилалӣ мебошад.

Вазири нақлиёт иброз дошт, дарозии умумии роҳи мазкур 33,2 километр буда, аз ин 3,7 километр ба қисмати Душанбе рост меояд: “17,8 километри роҳ дар ҳудуди ноҳияи Рӯдакӣ ва 11,7 километр дар ноҳияи Хуросон пешбинӣ шудааст. Дар роҳ 4 пул ба дарозии 630 метр таҷдид карда мешавад, шумораи хатти ҳаракат 4 адад, паҳноии қисмати мошингузар аз 14 то 24 метр, ғафсии қабати поёнӣ асфалт 6,5 см, қабати боло 5 см, шумораи истгоҳҳо 20 адад, гузаргоҳҳои зеризамнӣ 6 адад барои роҳҳои саҳроӣ ва чорвогузар, шумораи қубурҳои обгузар беш аз 60 адад, пиёдаравҳо дар маҳаллаҳои аҳолинишин 3325 метр дар назар аст”.

Худоёр Худоёрзода афзуд, вобаста ба марҳилаи дувуми ин роҳ ҳоло корҳои топографӣ, лоиҳакашӣ ба анҷом расида, муофиқакунонии ҳуҷҷатҳо идома дорад. Ба таъкиди вазир, марҳилаи дувуми лоиҳа тақрибан 50 километр роҳро дар бар гирифта, арзиши лоиҳа баъди пурра омода шудани ҳуҷҷатҳои лозима ва хулосаи экспертизаи давлатӣ муайян хоҳад шуд.


Шарҳи худро бинависед:

Ном:*
E-Mail:
Матни шарҳ:
Посух додан
  • мухочир

  • 14 октябр 2017 10:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
баъди бозсози шояд инрохаи пулаки кунанд

Матолиби ҳамсон:

Бойгонӣ

«    Октябр 2017    »
ДушСешЧорПанҶумШанЯкш
 1
2345678
9101112131415
16171819202122
23242526272829
3031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!